Бескрајна приказна

Во 1979, Михаил Енде напишал приказна без крај, Бескрајна приказна.
Настаните ги води Бастијан Балтазар, момче кое не е омилено во училиште поради академскиот и спортскиот неуспех. Бастијан обожава да чита книги и е прилично љубопитен. На почетокот на дејството тој се наоѓа во антикварница чиј сопственик, господинот Кориандер, поседува книга која му го привлекува вниманието на момчето. Тоа се осмелува да ја украде книгата и подоцна оди на таванот на училиштето и започнува со читање.
Заплетот во книгата започнува со читањето на Бастијан. Тој го запознава Атреј, јунак од кралството Фантазија кој се впушта во потрага по лек за Детската Кралица. Болестта на Кралицата е последица од навлегувањето на Ништото кое сака да ја уништи Фантазија.
Во еден момент, младиот Балтазар сфаќа дека тој се наоѓа во кралството, покрај Атреј. Балтазар успева магично да го промени светот во кој живее и сега рамо до рамо се бори со Атреј за откривање на лекот.
Разрешувањето во делото започнува кога Атреј го наоѓа волкот Морг, неспособен помошник на Ништо. Морг го открива планот за уништување на противникот со што ја прекинува мисијата на Атреј. Фантазија може да биде уништена само кога фантазијата на луѓето ќе престане.
Атреј разочаран се враќа кај Кралицата да и соопшти дека тој не успеал да го обезбеди лекот. Кралицата го разубедува Атреј и му укажува дека со самото свое присуство, Бастијан ја има способноста да ја спаси Фантазија. За да ја спаси кралицата и целата Фантазија, Бастијан мора да и даде ново име на кралицата. Тој ја преименува во Месечево дете и го уништува Ништо.

Comments

Post a Comment

Popular posts from this blog

„Сердарот“- Григор Прличев

„Сердарот“ е поема оригинално напишано за грчки литературен конкурс која ја опева смртта и помирувањето на најблиските со загубата на Кузман Капидан. Во оваа книга најчесто се спомнуваат самиот Капидан за кого и е напишано ова дело, неговата тажна мајка Неда и албанците односно гегите, против кои војувал војводата и неговата чета. Кузман Капидан, македонскиот јунак од Река, кому му е посветена оваа творба, бил млад храбар херој. Тој својот живот го поминал и загубил борејќи се гордо против гегите, луѓе кои го пљачкале населението кое живеело во областа помеѓу селата Галичник и Река. Тој бил силен  маж на кого не му преставувало потешкотија да пролее душманска крв. На албанските криминалци им влевал страв со својата снага и умешност во војувањето која ја поседувал и поттикот кој им го давал на членовите на неговата дружина. Капидан ги бодрел и охрабрувал своите другари и во најтешките борби. Неговата сложна чета и нивните успеси им давале чувство на сигурност на селаните од преде...
Read more

Панонски легенди

„Панонски легенди“ е состав од житијата на светите Кирил и Методиј. Ова е црковно дело кое ги опишува настаните од животите на браќата, односно се опишува период во IX век. Константин и Методиј биле родени во Солун во богато семејство. Тие биле љубители на учењето, науката и уметноста и биле високо учени и почитувани. Своето знаење го стекнувале во манастирите. Константин во својот живот бил назначен за библиотекар, професор, теолог и бил задолжен за ширење на христијанството. Од друга страна Методиј бил воен управител на област во источна Македонија, иако образован теолог. Во текот на нивното живеење браќата биле испраќани на повеќе црковни мисии од кои најзначајна е Моравската. Целта на мисијата била да се зацрвсти власта на кнезот Ростислав преку влијание на црквата и ширење на христијанството. Тие добиле задача христијанството да го шират на словенски што допринело за создавање на првата словенска азбука. Таа била, по долги преговори, одобрена и од папата. Во последните год...
Read more

Анализа на „Времеплов“- Х. Џ. Велс- самооценување

 Како група, добивме задача да ја анализираме лектирата „Времеплов“ од Велс. Требаше да пополниме табела со информации за настаните, ликовите, судирот и чувствата во романот. Во составот на мојата група беа Марија Бошкоска и Давид Николовски.  Сите навремено си ја завршивме работата. Групната работа ја поделивме на 4 еднакви дела: настан, судир, ликови и чувства а, подоцна определивме и кој член кој дел ќе го изработи. Давид беше задолжен за ликовите и тој работата ја заврши навреме но, со мал пропуст- карактеристиките на ликовите. Марија доби најголем дел од задачата- таа ги напиша чувствата и настаните, сите освен два. Остатокот- го одработив јас, тоест колоната за судир и последниот дел од колоната за настани.  Сите задачата ја завршивме во определениот рок и како што треба.  Дополнително(табелата која ја пополнивме)-> Настан ликови судир/проблем чувства Времепловецот и пријателите разговараат за можноста за патување низ димензија-патувањ...
Read more